|
|
|
أحدث الأخبار |
|
|
| |
|
|
| |
|
الأكثر قراءة |
|
|
|
|
|
|
|
|
|
|
|
|
| |
| |
| |
|
|
| |
|
|
| |
|
|
|
الرئيسية
ابداع
لعب في عبي ( ملاك) شعر جورج البير سليم
|
|
|
|
|
|
لعب في عبي ( ملاك) شعر جورج البير سليم |
|
الأربعاء 13 نوفمبر 2019 11:16 مساءً
|
|
|
|
|
الحلم مزنوق زنقة الكلاب
مبيت جوة العينين
حمضان بهتان
والبنوتة اللي عينيها
بلون مطر الغروب
معلقة اشياءك وهلاهيلك
علي شماعة حرمانك
راحت تنزع كل صورك
من علي مراية الدولاب
اللي خيالها فيها بيموج
زي حنانها وغدرها
القول قولك في الخوف
اللي انت مصالحه
خوفك ده طاالعله جناحين
ومهواش ملاك
عاوز يطير بيك لاعلي لاعلي
فوق
وفي ميعاد الوصول
ادفع عرابين
بورق مدقوق بختم الذكريات
حلمك لوث الخوف ووسخه
لونه بلون الزحمة
وريحة الاوض
جوه البيوت
ولو في يوم حبل الليل بنهار
غير شرعي
ارسم عجزك لون شيبتك
وفي الخفا اشهر سلاحك
براءتك دي استيكة
لحيلك وخداعك
اكمنك عامل خايف
وشهريتك نزيف احلام
كتكوت مكتكت
تحت جناحه ( اليمين ) تعاوير
زي التصاوير
مرسومة
وشم . وطن . صلبان دير
انوي انت علي الطيران
خوفك يحميك
انوي انت علي الاستغماية
خوفك يخبيك
في حارة سد دوبليرها
انبوبة اختبار
سكانها زي بعض
وهما جوة الشبابيك
ولو جالك شاعرفي المنام
اوعي شعره يبكيك
اصل البكا محلسة
يغشلق عينيك
واكيد مهواش امر الهي
ايه تاني ممكن يداويك
وعلي وش الكتب
يداديك
ملوناتي . ممزكاتي . ممثلاتي
ولا بلياتشو حاطط الوان
بتلات تعريفة
بص بحلق
جوة
في عينيك تلاقي عنكبوت
صايد بكرة ومحنط
ملاكك
بعد ماشرب كل دمه
لعبة قديمة
من ايام شجرة الخير والشر
هو التفاح النهاردة بكام
بس مايكونش امريكاني
والاخرة اخرة
يا أبو الصويت
يا بخت اللي طار وماتعورش
يا دوبك تلحق الزحمة
يا دوبك الملاك يلعب
في عب عبك
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
