الجمعة 29 مارس 2024 - 02:33 مساءً - القاهرة

     

 

 

               

 

  أحدث الأخبار

 

 

  الأكثر قراءة

 
 
 

ما أسباب تراجع الأغنية

  ازمة صوت

  ازمة كلمة

  ازمة لحن

  غياب دور الدولة في تبني أصوات جادة


نتائج

 

 
 

الرئيسية ابداع ماانتاش غريب..شعر محمد مطر

 

 
 

ماانتاش غريب..شعر محمد مطر

  الخميس 22 أكتوبر 2020 11:23 مساءً   




ماانتاش غريب

مااتقابلناش من قٌرَيِّب

بس طيفك كان يطيب له

يشتريني من همومي

وان غصبني البحر قٌوتِي

والقلق لو يبتليني

والبصر لو تستحي منه العيون

برق ضَيَّك...

يرتمي ف أعتم نجومي

مااقابلناش من قريب

بس شٌفتَك...

في انطلاقة مٌهر حواديت المسا

وفي ارتعاشة نرجسة...

بيشٌق بٌرعٌمها الموات

وراسمة ريشتك...

للشوارع أمنيات

ماانتاش مقاوح لاختناقات البيوت

ولا تقصد تداوم ع النزيف

عمر جوعك مااستخبي...

م الرغيف

ولاغٌربة دموعك...

 رَدّتَك عن ري أحزان الخريف

ولا رفعت شراع شروقك...

لما شوقك للخيالات انتحر

عمرك تسابيح الرحيل

بدنك سَتَرتٌه بالمطر

وخايلتك روح عنترة...

مهزوم وعبله اتغندرت

بخلت علي توهتك...

 بسيف واربع حيطان...

تلملم الأشواق مابينهم

كنت منا وللا منهم ؟

وللا طيرك في المفارق...

 عَوِّدَك يعصَي الونس ؟

وللا ائتنس جوعك...

 بتبريح الشجن ؟

وللا ف أوان البرتقان..

انداروا يَمَّك دَوَّروك؟

وللا ف مواويل اللقا...

 دبحوا الصبابة شتتوك ؟

مش كنت تبقي رِِفقِتَك للسكَّة...

 لو حاولوا يفوتوك ؟

قطعوك...

من ناسك مااهتزّيت

علقت حصيرتك والخلقات

وسكنت همومك من بابها

وغصبت القلب البِكْر...

يعاشر كون

ماانتاش مجنون

لو تحبي كفوفك هتجمَّع سراسيب الشمس الممزوعة

لو تصفي حروفك تتهجاك

يتفتَّح شجر اللوز الناعس...

 فوق شبابيكك

يصحي النور جواك

تتهَد قواك

يغواك الموت

يا تروس القوت

ياوداد وعياط وخصام وتبات وسكوت

عَلِّمنا حلوقنا...

تتزوَّق لنداوة التوت

وخلعنا عياطنا للأحباب

وزِّينا ضهورنا تتقوِّس...

لعشوش الحلم ابواب

وَشْوِشنَا الأرض ف ضفايرها...

 وف ضوافرها

سيَّبنا ودادنا ف أسرارها

وقلوبنا اصطفِّت...

 نترافق في مداين السيل

الضي كليل...

وجناين الريح تتنشقنا

يندهنا قدرنا نعدي له

تدهينا النوَّة بالنوَّة...

وجروح الخيل

نتقدِّم..يتفرعن خوفنا

نتحوَّط..خوفنا يقطَّفنا

نتسنِّد.. تنشق اكتافنا

وعطشنا مزهرَّ ف حروفنا

وجابرنا الليل المتشرنق

نتصالح

ويا...

ابيار الملح

 

أخبار اخرى فى القسم