السبت 28 مايو 2022 - 06:41 مساءً - القاهرة

     

 

 

               

 

  أحدث الأخبار

 

 

  الأكثر قراءة

 
 
 

ما أسباب تراجع الأغنية

  ازمة صوت

  ازمة كلمة

  ازمة لحن

  غياب دور الدولة في تبني أصوات جادة


نتائج

 

 
 

الرئيسية ابداع "خارج نطاق الأسئلة" شعر : مني حمودة فؤاد.. المنصورة

 

 
 

"خارج نطاق الأسئلة" شعر : مني حمودة فؤاد.. المنصورة

  الأربعاء 19 يناير 2022 10:19 مساءً   




ليه الفضاء برغم اتساعه

 مخنوق وحيد

ناكر وجود كل الطيور

 كل النجوم  سالب وميض

 ليه الشوارع رافضه إني

 أكون عبيرها

وتسيب لي ضحكة

 وقت حزني افتكرها

 ليه الطريق كل ما أمد الخطا

اللقاه يطول

أحلف واعانده يقولي

 مش قد الوصول

 ليه الحاجات الممكنة

 بتكون لي صعبه ومستحيلة

 أحلم وأطير واشغل بأيدي

 الحلم عقد سراج منيرة

وارسم بأيدي جنة ليها الف باب

إن شيبتني الدنيا يوم

 أدخل منازل جنتي وارجع شباب

 

بيشد فيا الحلم رافض إني أسيبه

إحنا اتكتبنا لبعضنا

لاكان  دا عيبي ولا كان دا عيبه

فيه ناس تموت وتعيش حياتها مرة واحدة تقول حِلمنا

وأنا حلمي جاني لحد عندي ومد أيده

 بتعجزوه وتعجزوني وتخنقوا الدم في وريده

 بالله عليكوا انسوني وانسوا  دنيتي

 أنا شخص ميؤوس أنه ييأس

 فا متحلموش يوم تاخذوا مني ضحكتي

 قطعوا كل السُبل وهدوا فيا

 بعزم وعزيمة ألف سكة هتتبني

 لجل أن ترقص خطوتي

لجل أن شارع كان زمان

 نفسي يحضن دمعتي

 يجي انهارده ويعترف

 يحلف ما حد مر فيه

 يشبه لحلمي ملامحي حتى نظرتي

أو اعتزازي لما أقع

 وأسند بنفسي نفسي وارجع قوتي

 والفضا من بعد ضيقة

 يعود براحه ويعترف

 إن النجوم زايد ضيائها حبتين

 علشان ما بينهم

 طلعت معاهم نجمتي

 

أخبار اخرى فى القسم