الاثنين 05 ديسمبر 2022 - 04:35 مساءً - القاهرة

     

 

 

               

 

  أحدث الأخبار

 

 

  الأكثر قراءة

 
 
 

ما أسباب تراجع الأغنية

  ازمة صوت

  ازمة كلمة

  ازمة لحن

  غياب دور الدولة في تبني أصوات جادة


نتائج

 

 
 

الرئيسية ابداع "الدمعة." شعر صباح بن داود..

 

 
 

"الدمعة." شعر صباح بن داود..

  الأحد 20 مارس 2022 05:59 مساءً   




أنا مكنبكيش أنا غي...

تنغسل لوقت فين يجي الضو

قلبي شلال نور

عنداك تجرح شعاه!!

وبين الدمعة والدمعة

كنفْرق صيام ليام

ب نجمة طلع...

عليها فجر الصمت...

و غوتات ف قلب شهرزاد

 

"بينيلوب" مزالة كتسرب ف قلبي

وتنج فيه أحلام

ما طلقت سراح موالي

ما خلاتو يونس الشوق

 

أنا مكنبكيش...

أنا غي كَرًابْ

وشاط عليه الصبر

عيون الشكوة تشكي...

والوقت تزيدو عصير

 

أجيو نجمعو دموع  النسا

ونصرفوهم مواويل

يمكن نولدو أغنية

عنوانها لمرأة...كون

و ف كل كون

تْكَوَّنْ كون آخر...

 

أنا مكنبكيش...

غير غنايا سال على خد الوقت

وسخن راس الحرف ف راسي

وبانت ليا ف ديك الدمعة

المجلية بين كفوف ليام

قلت نصالح دمعتي مع خد الصبر

ونجريو بجوج كي شي واد

عاجبو راسو ....

شكون قال ...حتى الدمعة حرام!!

الدمعة  كلمة ساكتة ودوات...

قصيدة وسحات ...

وتقدر تكون شلا كلام سارط راسو

باب وتحل ف وجه عجاجة

وتقدر تكون تلجة ف القلب ودابت كي ليام

علاش أنا تنبكي؟

لا .....

أنا دبت دموع ف خد ....

مسكين..

مريض..

يتيم..

مضيوم..

مظلوم..

مطرود..

مهموم..

أنا فنيت فيكم كاملين...

وبقيت بلا بيا