الثلاثاء 18 يونيو 2024 - 05:51 مساءً - القاهرة

     

 

 

               

 

  أحدث الأخبار

 

 

  الأكثر قراءة

 
 
 

ما أسباب تراجع الأغنية

  ازمة صوت

  ازمة كلمة

  ازمة لحن

  غياب دور الدولة في تبني أصوات جادة


نتائج

 

 
 

الرئيسية ابداع "حروف بطعم الموت:" شعر : رجب لقي - المنيا

 

 
 

"حروف بطعم الموت:" شعر : رجب لقي - المنيا

  الثلاثاء 04 يونيو 2024 07:11 مساءً   




 
 
1
ضلي بيسبق خطوتي مليون قدم
مااعرفش ليه رايح بعيد
ولا مين ده سايقه للعدم
كل اللي شافه ف رحلته
مصمص شفايفه
من الوجع
تمتم وقال:
كان واد جدع
واهو صار تابوت
2
من كام سنة
وأنت بتنحت في الجبل
قاعد بترسم في البيوت
وتوشمه بدمك حجاب
ماكانش يخطر في الدماغ
إنه ده ممكن يتهدم
ولا حتى ريح تكسر له باب
لكن المفاجأة المحزنة
إن عمود بيتك هوى
زي خيوط العنكبوت
 
 
3
متقولش فين وازاي وليه
مبقاش مكان للأسئلة
ولا حبر ينفع للكتابة
كل الحكاية من زمان
متأصلة
في الأرض كان المبتدا
والمنتهى منه وإليه
هيا كدا
الأصل في الحدوتة
موت
 

أخبار اخرى فى القسم