السبت 13 يوليو 2024 - 05:48 صباحاً - القاهرة

     

 

 

               

 

  أحدث الأخبار

 

 

  الأكثر قراءة

 
 
 

ما أسباب تراجع الأغنية

  ازمة صوت

  ازمة كلمة

  ازمة لحن

  غياب دور الدولة في تبني أصوات جادة


نتائج

 

 
 

الرئيسية ابداع " وحدة" شعر : رحب لقى .. المنيا

 

 
 

" وحدة" شعر : رحب لقى .. المنيا

  الأحد 30 يونيو 2024 08:38 مساءً   




ولسه تايه في الطريق

ومفيش رفيق

يقدر يدل خطوتك

لما تضل

عديت حدود الصبر

ماوصلتش لضي

 

بايت وحيد

عايش على كوابيس

متغلغلة ف روحك

متعلقة بتلابيب

لياليك الحزينة

صورة لصاحب الهم

والتغريب

لما اتبلى

بذنب ماعملهوش

فعاش طريد

ومات شريد

كان لسه بيدور

على تاره

 

وكمان حضور للنابغة

سهران وليله بيرتعش

خايف من الصبح الوعيد

الليل دا.. هم

داهم صباح مليان فرح

اتحال لدم

الموت حياة

لما حياتنا بتتخنق

وبتتمنع

أرواحنا من آهة

 

أخبار اخرى فى القسم