من اول سكه بتحدف دايماً ع المرفوض
لآخر رعشة ف وتر العود
وكام محظور ف كام موال
وروح صلصال بتلف حبال الوقت عليك
وتفك ايديك
وتزرع برج الحلم حمام
وتشبك روحك في الشباك
من قالك بس هتستناك
اهي فاتت بدري ولسه ما جات
والغنوه تحِز ف قلب الليل و قلب نجاة
وانت مآمن بالأعذار
بتلم الضي ف كام منديل
وترد بيبان الشوق بشويش
هتموت وتعيش
وانت مسلم بالمعسول
وتضم فراغ محدود بالطول
وتحَنّي حيطان البيت ورنيش
وتمد عنيك على آخر بُكره
بآخر فكره
ع الترحال ...